Tikreega Amxaarada oo Maanta Muqdisho ku Gowracay Odayaal iyo Mas'uuliyiin katirsan Shirkadda Isgaarsiinta Hormuud.

MudugNet, Muqdisho. Axad, April 20, 2008.

 

Ciidamada Cadawga Itoobiya ee dagaalada ka wado magaalada Muqdisho ayaa Maanta Xasuuq Arxan darra ah ugu gaystay Dad Shacab ah oo ay guryahooda ugu tageen kadib markii looga awood roonaaday Dagaalkii ay Shacabka la galeen.
 
Allaha unaxriistee Dadka Shahiiday ayaa u badnaa Odayaal Da' ah iyo qaar ka tirsan Shaqaalaha Shirkadda Isgaarsiinta Hormuud qaybteeda Huriwaa.
 
Dad goob joogayaal ah ayaa noo xaqiijiyay in Ciidamada Itoobiya ay Gowrac mariyeen Sedax qof oo lagu kala magacaabi jiray:

Xasan Xeydar,
Cabdi Guuleed Jimcaale,
Xasan Xirsi
iyo
Nin aan mgacciisa la sheegin balse ay Gowraceen Ciidamada Cadawga Itoobiya.

 
Xarunta Shirkadda Isgaarsiinta Hormuud ayay Ciidamada Itoobiya ku jebiyeen Gaadiidka Taangiyada waxayna qaateen dhammaan wixii lacago iyo qalab ah oo yiil Shirkadda.

 

Gowracan ay Ciidamada Itoobiya ka wadaan Muqdisho ayaa dhalin karo in Shacabku ay meel uga soo wada jeestaan Xasuuqa lagu hayo.

MudugNet News