 |
| |
Ururada Bulshada Rayidka Soomaaliyeed oo Maanta Cambaareeyay Xasuuqa Muqdisho iyo Abwaan Abshir Bacadle oo baaq u diray Shacabka.
MudugNet, Muqdisho. Talaado, April 22, 2008.
Ururada Bulshada Rayidka ah ee kajiro magaalada Muqdisho ayaa maanta si kulul u cambaareeyay xasuuqii waxashnimada lahaa oo ay Ciidamada cadawga Itoobiya ka gaysteen magaalada Muqdisho.
War Saxaafadeed ay Maanta magaalada Muqdisho kasoo saareen Ururka Aqoonyahanada Soomaaliyeed ayay ku cambaareeyeen Xasuuqii ay Tikreegu kula keceen Culimada Soomaaliyeed iyo Dadka rayidka ah.
Madasha Ururka Aqoonyahanada Soomaaliyeed oo maanta Kulan ku yeeshay Muqdisho ayaa cambaarayn dusha uga tuuray Kufaarta Tikreega iyagoona Jaamacadda Carabta ugu baaqay in ay Xiriirka ujaraan Dowlada Itoobiya sidii ay samaysay Dowladda Qadar.
Dhinaca Kale Gole ay leeyihiin Abwaaniinta Soomaaliyeed ayaa isna cambaareeyay Xasuuqa Ciidamada Itoobiya, Afhayeenka Golaha Abwaaniinta Soomaaliyeed Cismaan Guure ayaa si kulul u cambaareeyay Xasuuqa Itoobiya isagoona Shacabka ugu baaqay in ay u midoobaan shacabka.
waxaa isna Maanta Warbaahinta lahadaly Abwaan Abshir Bacadle oo Guubaaba Suugaaneed u diray Shacabka Soomaaliyeed oo ku aadan in ay isku gurmadaan si looga baxo dhibaatada haysato shacabka Marasta ah ee Soomaaliyeed.
MudugNet News