Hubka lagu Iibiyo Suuqyada magaalada Muqdisho oo Sare u kac balaaran laga dareemayo.
MudugNet, Muqdisho, Sabti, 27ka Feberaayo, 2010.
Xilli magaalada Muqdisho ay ka jiraan dhaq dhaqaaqyo colaadeed ayaa sare u kac aad udaran laga dareemayaa Hubka nuucyadiisa kala gedisan ee lagu Iibiyo Suuqa Bakaaraha gaar ahaan qaybta cirtoogtaha loo yaqaan.
Ganacsatada iibisa hubka ee suuqa Cirtoogte ee magaalada Muqdisho ayaa sheegaya in Sare u kac xoogan uu ku yimid qiimaha lagu iibsido hubka ee suuqaasi oo lagu tilmaamo inuu yahey suuqa ugu weyn ee hubka lagu iibisado gudaha dalka Soomaaliya.
Qaar ka tirsan ganacsatada iibisa hubka ee suuqa Cirtoogte oo maanta qaarkood la hadlayey Warbaahinta ayaa sheegey in sare kac hadda ka jira suuqa uu soo taagnaa muddo dheer iyadoo taasi ay sabab u tahey dagaalada iyo Colaadaha weli ka aloolsan dalka soomaaliya.
Mid kamid ah ganacsatada Suuqa ayaa sheegey in isha ugu weyn ee ay hadda ka helaan hubka ay tahey dowladda kmg ah isagoo xusey in Ciidamo badan oo ka tirsan dowladda kmg ah ay badanaa yimaadaan suuqaasi iyagoo kasoo goostey dowladda kmg ah deetana ay iibsadaan hubkooda.
Dhanka kale ganacsadahan wuxuu sheegey in kooxaha burcad badeeddu ay yihiin kuwo si aad ah u iibsada hubka yaala suuqaasi isagoona sheegey in Buracad badeeddu ay dhaqaalo xoog leh ay soo geliyeen Suuqa Cirtoogtaha.
