Xildhibaanno ka tirsan dowladda KMG ah oo weli ku dhiban Xabsi ay dhigeen Ciidanka Itoobiya
MudugNet, Muqdisho, Sabti, 27ka Feberaayo, 2010.
Dowladda Itoobiya ayaa weli Xabsiyada magaalaa Jigjiga ismaamulka dhulka Somaligalbeed ee lagu gumaysto ku haysa Xildhibaanno katirsanaa dowladda shariifka oo si xun loogu bahdlay gudaha Itoobiya.
Xildhibaan Cali jeyte Cusmaan oo ka tirsan Barlamaanka dowladda KMG ah ee soomaaliya ayaa sheegey in la filayo in maanta oo sabti ah maxkamad ku taala magaalada Jiga jiga ee dhulka soomaali galbeed la hor keeno labo Mudane oo ka tirsan barlamaanka dowladda kmg ah kuwaasi oo Ciidamada dowladda Itoobiya ay horey xabsiga udhigeen.
Cali jeyte Cusmaan ayaa Mas’uuliyiinta sar sare ee dowladda KMGah wuxuu dusha ka saarey Mas’uuliyadda xariga loo geystey xildhibaanada wuxuuna xusey in dalalka dariska ay mar walba tacadiyo iyo sharaf ka dhac ugeysteen Mas’uuliyiinta ka tirsan dowladda kmg ah ee soomaaliya.
Labo Mudane oo ka tirsan barlamaanka dowladda KMG ah ee Shariif uu hogaamiyo ayaa maal mihii dhawaa ku xirnaa xabsi ku yaala magaalada Jig jiga ee dhulka ay Itoobiya xooga ku heysato ee soomaali galbeed iyadoona aan ilaa hadda la shaacin wax rasmi ah oo lagu heysto Xil dhibaanadaas.
Tani ayaan aheyn markii ugu horeysey ee la xiro Mudanaal ka tirsan barlamaanka dowladda Dowladda KMG ah ee soomaaliya .dhawaan ayey markii Ciidamada booliiska dalka Kenaya ay xabsiga dhigeen Toboneeyo xil dhibaano ah oo katirsan balramaanka dowladda kmg ah waxaana mudanyaasha lagu eedeeyey inay si sharci darro ah ku joogeen gudaha dalka Kenya.
