Kooxo Dhac u gaystay Shirkadaha Xawaaladaha magaalada Muqdisho oo xukuno lagula riday magaalada Muqdisho.
MudugNet, Muqdisho, Axad, 28ka Feberaayo, 2010.
Ururka Al Shabaab ayaa maabnta Xukuno kala gedisan ku riday dhalinyaro ku eedaysneed in ay dhac bareer ah ka gaysteen suuqyada magaalada Muqdisho islamarkaana ay hanti adag dheceen, dadkan laxukumay waxaa kamid ahaa ciidamo Shabaab katirsanaa oo shirkado Xawaalado baartay
Xukunka lagu ridey raggan ayaa waxaa ku dhawaaqey Qaadiga Maxkamadda oo lagu magacaabo Alqaadi C/dul Xaq waxaana uu sheegey in lix ka mid ah ragan ay ka baxsadeen xabsigii ay ku jireen islamarkaana ay ugaleen dhanka dowladda kmg ah waxana uu intaa ku darey in 5-ka mid ah ragaasi ay qirteen dambiyadii lagu eedeeyey islamarkaana mid kasta lagu xakumey hal sano oo xarig ah iyo in ay soo celiyaan lacagihii ay ka dhaceen shirkadahaasi.
Qaadiga ayaa sidoo kale carabaabey in raga u baxsadey dhanka dowldda kmg ah in Xukunkooda lagu dhawaaqi doono marka gacanta lagu soo dhigo waxaana uu sidoo kale uu xusey in 5-kamid ah eedeysanayaasha inay dafireen dambiyadii lagu soo eedeeyey taasi oo markii loo cadeyn loo waayey Xukunkoodu uu noqdey in lasii daayo.
Si kastaba ha ahaatee Xukunada maanta ay Maxkamadda guud ee Xarakada ay ku ridey raga loo yaqaano Kaqaatayaaasha ayaa waxaa uu imaanaya Xili mudooyinkii u dambeeyey gudaha magaalada muqdisho gaar ahaan goobaha Xoogaga islaamiyiintu joogaan ay kusoo badanayeen kooxo aan la aqoonin oo dhac ugeysanaya qaar ka mid ah shirkadaha ganacsiga ee ku yaala degmooyinka kala duwan ee gobolka Banaadir.
Mudugnet.com Xafiiska Wararka Magaalada Muqdisho
