Baarlamanka Dowlada KMG ah oo Ansaxiyay mid kamida Xeer Hoosaayada u degsan iyo Buuq ka dhashay qaabka loo maamulaya Siminaar dibadda ah
MudugNet, Muqdisho, Sabti,17ka Luulyo, 2010.
Baarlamanka Dowladda Federaalka KMG ah ayaa kulamo isdaba joog ah ku yeelanaya magaalada Muqdisho tan iyo markii gudoomiye loo doortay shariif xasan sheekh Aadan oo ah siyaasi mug siyaasadeed leh.
Xildhibaanada Baarlamanka ayaa weli isku raaci la' xeer hoosaadka baarlamanka oo Murun xoogani ka taaganyahay xilli gudoomiyaha baarlamanka iyo wafdi uu hogaaminayo ay safar dibadda ah ku maqanyihiin.
Mudanayaasha Baarlmaanka KMG Soomaaliya ayaa Maanta Kulan ku Yeesheen Xarunta Golaha Shacabka Soomaaliyeed ee Magaalada Muqdisho waxa ayna Xildhibaanada ay maanta Mar kale ka Doodayeen Xeer hoosaadka Baarlamaanka KMG Soomaaliya.
Qodabada Maanta Mudanayaasha baarlamaanka horyaalay ayaa waxa ay kala ahaayeen Qodobada 11.naad iyo 12.naad ee Xeer Hoosaadka Baarlmaanka Ku waas oo ugu danbayntii Xildhibaanada Cod aqlabiyad leh ay ku ansixiyeen in Sidii ay u qornaayeen Loo qaato.
Waxaa halkaasi ka hadlay Gudoomiye Xigeenka Koowaad ee Baarlamaanka Soomaaliya Cabdi Wali Sheekh Ibraahim Muudey kaas oo Sheegay in Qodobada Maanta Si buuxda loo ansixiyay.
Markii Qodobkaasi soo gaba gaboobay ayuu gudoonku sheegay in Siminaar ka dhacaya Mareykanka ay u direen guddiyada baarlamanka waxaana Hoolka ka dhacay Buuq ay Xildhibaanadu ku diidanaayeen in siminaarka loo diro gudiyaha baarlamanka.
