Wasiirka arrimaha Dibadda Dowladda KMG ah oo sheegay in Soomali galbeed kamid tahay dhul weynaha Soomaliya
MudugNet, Muqdisho, Sabti,17ka Luulyo, 2010.
Wasiirka arrimaha Dibadda Dowlada Federaalka KMG ah Yuusuf Dheeg ayaa ka dhawaajiyay War aan looga baran madaxdii soo martay Soomaaliya.
Danjire Yuusuf Dheeg ayaa shaaca ka qaaday in Itoobiya ay xoog ku haysato Dhulka Soomaligalbeed islamarkaana aysan Hilmaami doonin dhulkaasi.
Yuusuf Dheeg oo dhawaan loo magacaabay jagada wasaaradda arrimaha Dibadda ayaa si cad u sheegay in Soomaaliya aysan kala go'i karin.
"Soomaaligalbeed waa dhul Soomaali ka maqan Itoobiya gumaysi ayay ku haysataa xiligii la xorayn lahaa waa ay imaan doontaa"ayuu yiri Yuusuf Dheeg.
Dhulka Soomaaligalbeed oo xorayntiisa uu dadaal dheer ugalay Halyaygii Soomaaliyeed Madaxweyne Siyaad barre ayay Dowladda Itoobiya u haysataa dhul ay iyadu leedahay.
Warkan kasoo yeeray Yusuf Dheeg ayaa kusoo aadaya xilli ciidanka Itoobiya ay dhawaan shacab Muslimiin soomaali ah ku xasuuqeen deegaanka Ceeldibir oo ay Itoobiya gumaysato
Hogaamiyaasha Dowladda KMG ah loogama baran in ay soo hadal qaadaan arrin ku saabsan dhulka Soomaligalbeed maadaama Itoobiya ay xariir wanaagsan laleeyihiin Itoobiyana aysan ogolayn in arrinka soomaaligalbeed lasoo hadal qaado
