Dagaallo qaraar oo maalintii 2-aad ka socda qaybo katirsan magaalada Muqdisho iyo AMISOM oo duqaymaha shacabka laba jibaartay
MudugNet, Muqdisho, Isniin,19ka Luulyo, 2010.
Dagaallo iyo duqaymo culus ayaa maalintii 2-aad oo xariir ah uga socda deegaanno dhaca waqooyiga magaalada Muqdisho bale ku dhaw Villa Somaliya.
Inkastoo kooxaha mucaaradka ah horumar aan sidaasi weynayn ay ka sameeyeen dagaaladii shalay ka dhacay Boondheer hadane dhibaatada ugu daran waxay soo gaaraysaa shacabka Rayidka ah oo ay ciidamada AMISOM Madaafiic ku duqaynayaan.
Inta la ogyahay waxaa dagaalkan ku nafwaayey in ka in ka badan 15 kuwaasi oo iskugu jira dhinacyadii dagaalamayey inkastoo uu qasaare lixaadleh dagaalkan ka soo gaadhay dadka rayidka ah ee ku dhaqan goobaha dagaalka ku dhow
Dad tiradodu kor u dhaafayso 50 qof ayaa la gaarsiiyey cusbitaalada magalada Muqdisho kuwaasi oo dhaawacyo kala duwan ay ka soo gaareen dagaaladan aan kala go'a lahayn.
Xoogaga Al Shabaab ayaa shalay la wareegay xaruntii wasaaradda arrimaha Gudaha Saldhigga Boondheere,xarunta degmada iyo deegaanno Boondheere katirsan waxayna taasi dhalisay in AMISOM ay carooto oo ay madaafiic ku layso shacabka
