Mucaaradka Soomaaliya oo weerar ku qaaday Ciidanka Kenya ee Xadka ku suagn
MudugNet, Muqdisho, Arbaco, 21ka Luulyo, 2010.
Dablaydan oo weerar gaadmo ah ku qaaday Ciidamada Ilaalada xuduuda Kenya ayaa dileen mid ka mid ah Ciidamada Ilaalada kana qaateen qorigii uu sitay askarigaasi.
Dilka Askarigaasi kadib Ciidamada iyo dablayda waxaa dhex maray is rasaaseyn muddo kooban socotay taasoo dhalisay qasaare dhaawacyo u badan.
Weerarka dablaydaasi xalay ku qaadeen Ciidamada Ilaalada xuduudaha dalka Kenya ma jiraan cid sheegatay, waxaana saaka Gobolka Waqooyi Bari laga dareemayaan dhaqdhaqaaqyo ay wadaan Ciidamada.
Ma ahan markii ugu horaysay askari ka tirsan Ciidamada Xuduudaha dalka Kenya lagu toogto xadka Kenya waxaana laga cabsi qabaa in Kenya ay qaado weeraro ay uga aar gudanayso shabaab.
