Rasaas Wiifto ah oo Hakisay shaqadii ka socotay Madaxtooyada Villa Soomaaliya
MudugNet, Muqdisho, Arbaco, 21ka Luulyo, 2010Mudanayaal katirsan Baarlamanka Dowladda Federaalka KMG Soomaaliya ayaa ka qayla dhaamiyay Rasaas iyo madaafiic hareeyay dhaq dhaqaaqyadii Villa Somaliya.
Xogaga Islaamiyiinta oo kaabigasoo saaray madaxtooyada Villa Somaliya ayaa sababtay in rasaas wiifto ah ay hakiso shaqadii dowladda ee ka socotay Villa Somaliya.
Rasaas dhawaan kusoo dhacday gudaha Villa Somaliya ayaa sababtay geerida Hal qof oo shaqaale ah iyo dhaawac soo gaaray 4 kale.
Xildhibaan C/laahi Cabdulle Bood oo katirsan Mudanayaasha ayaa sheegay in Villa Somaliya ay tahay meel khatar badan "Rasaas wiifto ah ayaan la joogi la'nahay hadii aan warqado gay tagno madaxtooyada waxaan aragnaa qaar katirsan shaqalaha oo ay Rasaas wiifta ah dhaawacday"ayuu yiri Xildhibaan Bood.
Xoogaga Al Shabaab ayaa ku sugan degmada Boondheere gaa ahaan dalcada Kobdhoodka oo si caadi ah looga arkayo Albaabada laga galo Villa Somaliya.
Ciidanka AMISOM ee ku sugan madaxtooyada ayaa la halgamaya sidii ay Islaamiyiinta uga difaaci lahaayeen in ay qabsadaan madaxtooyada iyo Garoonka diyaaradaha magaalada Muqdisho
