Prof Maxamed Faarax Jimcaale "AMISOM waxay Muqdisho ka gaysanaysaa Jariimo xun oo shacabka ka dhan ah waa in si deg deg ah dalka looga saaraa oo shacabka xasuuqa laga joojiyaa".
MudugNet, Muqdisho, Sabti, 24ka Luulyo, 2010.
Qaar katirsan aqoonyahanada Soomaaliyeed ayaa si kulul u cambaareeyay duqaymaha ay ciidanka AMISOM ka gaystaan xaafadaha shacabka Rayidka ah deganyiihin ee magaalda Muqdisho.
Prof. Maxamed Faarax Jimcaale oo katirsan siyaasiyiinta Soomaliyeed ayaa sheegay in AMISOM ay cadaw ku tahay Nolosha shacabka Muqdisho iyo jiriraanka magaalada.
Siyaasigan ayaa ku Eedeeyay AMISOM in ay xasuuqdo Maras aan waxba galabsan iyadoo adeegsanaysa Madaafiic Khatar ku ah Nolosha.
"waa Cadaw u bareeray xasuuqa shacabka Muqdisho waxay adeegsanayaan Hub Mamnuuc ka ah in loo adeegsado magaalo shacab deganyahay, waxay sheegtaan Nabad ilaalin sharciga aduunka maqabo in ciidan nabad ilaalin ah uu madaafiicda goobta isticmaalo"ayuu yiri Prof.Maxamed Faarax Jimcaale.
Siyaasigan ayaa madaxda dowlada KMG ah ku tilmaamay damiir laawayaal aan doonayn in hurumarka shacabkooda isagoona kula taliyay in ay beesha ka baxaan.
"Qolada dowlada KMG ah sheeganaysaay yaad xukuntaan magaaladii waa laduminayaa haweenkii xasuuq ayaa lagu hayaa, war isaga taga meeshan shacabka iyagoo aayahooda katashanayee".
Wuxuu ka hadlay qaab dagaaleedka xoogaga Islaamiyiinta ah wuxuuna sheegay in ay qayb ka yihiin dhibaatada balse aysan lamid ahayn AMISOM.
"qolooyinka hubaysan iyana mas'uuliyadda way qaadayaan laakin aan Cadaaladda ka hadalno isku mid ma ahan madaafiicda lagu burburinayo magaalada dadkana lagu laynayo iyo Hoobiye marmarka qaar ay mucaaradku soo ridaan"ayuu hadalkiisa sii raaciyay Prof, Jimcaale.
Ugu dambayn siyaasigan caanka ah ayaa ugu baaqay shacabka Soomaaliyeed in ay aayahooda ka tashtaan oo ay gees isaga leexiyaan xasuuqa joogtada noqday ee lagu hayo.
Warkan kasoo yeeray Maxamed Faarax Jimcaale ayaa kusoo aadaya xilli ay ciidamada AMISOM Madaafiic ku burburiyeen qayb kamid ah magaalada islamarkaana ay dadka rayidka ah guryaha ku duqeeyaan
