Mucaaradka Uganda oo ku dhawaaqay in ciidanka Uganda Muqdisho lagasoo saaro
MudugNet, Muqdisho, Axad, 25ka Luulyo, 2010.
Xilli ay ciidanka Uganda ee ku sugan magaalada Muqdisho ay ku lug leeyihiin dagaalada iyo duqaymaha socda ayay qayla dhaan kasoo yeeraysaa shacabka Uganda.
Axsbaata Mucaaradka ee dalalka Ugandha iyo Burundi ayaa markale ku dhawaaqay islamarkaana dalbaday in Ciidamadooda laga soo saaro magaalada Muqdisho ee Caasimadda dalka soomaaliya.
Shir jaraa’id oo magaalada kamala ee Xarunta dalka Ugandha uu ku qabtay Afahyeenka Xisbiga isbadal doonka dimuqraadiga ee Mucaaradka ah ayuu ku sheegay inay dowladda Ugandha marlabaad ay ka dalbanayaan in Ciidamadeeda ay kasoo daadugrayso magaalada Muqdisho.
“ Ciidamadeenu waxay soomaaliya joogaan muddo seddex sanadood ah iyada oo muuqan is badal laga sameeyay dhulka,waxaan aaminsan nahay inay taasi nagu filan tahay,annagu waxaan doonaynaa in Ciimadeena hadda lasoo saaro,laakiin berri ama mutaqalka ma doonayno” ayuu yiri Laafoola Oguto oo ah Afhayeenka Xisbiga isbadal doonka dimuqraadiga ee Mucaaradka ah.
Ma muuqato qorshe ay Dowladda Uganda ciidankeeda uga saarayo magaalada Muqdisho waxaana la rumaysanyahay in Uganda ay dhaqaale badan Mareykanka uga qaadato kumanaanka ciidan ee ka joogo magaalada Muqdisho
