Ku simaha Gudoomiyaha baarlamanka oo ku tilmaamay Xildhibaanadda Muqdisho ku sugan Xilkas laawayaal.
MudugNet, Muqdisho, Talaado, 27ka Luulyo, 2010.
Gudoomiye kuxigeenka baarlamanka ahana Kusimaha Gudoomiyaha C/wali Ibraahim Muuday ayaa si kulul u weeraray xildhibaanadda baarlamanka ee ku sugan Xamar,isagoo ku tilmaamay Xilkas laawayaal ka dib markii uu manta mar kale dib u dhac ku yimid fadhigii baarlamanka.
Mr C/wali ayaa dib u dhaca fadhiga baarlamanka ku edeeyay inay mas’uul ka yihiin Xildhibaanada Ku sugan Muqdisho oo soo xaadiri waayay fadhigii maanta.
Ajandaha baarlamanka iminka horyaal ayaa ah dood ku saabsan wax ka bedelka Xeer Hoosaadka baarlamanka,iyadoo kulankii maanta baaqaday loobalamay in la qabto maalinta Beri ah.
Dhinaca kale xildhibaanadii manta soo xaadiray xarunta baarlamanka ayaa si weyn ugu kalaaragti duwan wax qabadka Xukuumada iminka Jirta ee ra’iisulwasaare Sharmarke,mudanayaasha qaar ayaa ku tilmaamay in Xukuumada ay ku fashilantay wax qabadkii looga baahnaa, halka xildhibaanada qaar ay taageereen Xukuumada Cusub ee C/rashiid Sharmarke.
Mudugnet-News
