Ciidamadda Axmed Madoobe iyo kuwa xarakada Alshebaab oo ku dagaalamay Duleedka Dhooblay.
MudugNet, Muqdisho, Arbaco, 28ka Luulyo, 2010.
Dagaalo sababay dhimasho iyo dhaawac ayaa saaka Duleedka Degaanka Dhooblay ee Gobolka Jubadda Hoose ku dhexmaray Ciidamo taabacsan Sheikh Axmed Islaam iyo kuwa Xarakadda Alshebaab.
Ugu yaraan 2 ruux ayaa ku geeriyootay in ka badan kalena waa ku dhaawacmeen dagaalkaasi sida laga soo xigtay dadka degaanka.
Dagaalkan ayaa qarxay ka dib markii ciidamo ka amarqaata sheikh Axmed islaam Madoobe ay weerar ku qaadeen 2 xero oo fariisin u ahayd Ciidamada Xarakadda alshebaab.
Ilaa iyo hada wax war ah kama soo bixin dhinacyada ku dagaalamay Dhooblay, in kastoo wararka ay sheegeen in gacan ku haynta Deggaanka dhooblay ay wali baaqi ku tahay xarakadda Al-shebab.
Mudugnet-News
