3-qof oo xalay lagu dilay Degaano ka tirsan Degmada Madiina ee Magaalada Muqdisho.
MudugNet, Muqdisho, Jimce, 30ka Luulyo, 2010.
3-qof ayaa xalay siyaabo kala duwan loogu dilay xaalafado ka tirsan degmada Madiina ee magaalada Muqdisho iyadoo wabargii saakay ciidamada maamulka Degmada ay halkaasi ka samyeen baaritaano.
Dadka la dilay ayaa lagu sheegay iney isugu jiraan dad rayid ah iyo qof ganacsade ah oo deganaa degmada,iyadoo aan la ogayn sababta ka dambaysay dilkooda.
Dadka degaanka Buulo Xuubay oo ka tirsan Degmada Wadajir ayaa saxaafadda u sheegay in xalay ay maqleen dhawaaqa rasaas halkaasi kooxo hubaysan ay ku dileen qof rayid ah mid kalena ku dhaawaceen.
Sidoo kale ciidamada Dowlada KMG ayaa toogasho ku dilay qof xaaafadda Nasteexo oo ka tirsan Degmada Wada Jir, iyadoo aan ilaa iyo hada la ogayn sababta dilkaasi ka dambaysay, in kastoo warar qaar ay sheegayaan in Ciidamada Dowlada ay ka shakiyeen marxuumka Geeriyooday.
Dilalka qorshaysan iyo kuwa kooxaha Burcada ah habeenkii kula kacaan dadka Rayidka ah ayaa caadi ka ah caasimada soomaaliya oo ay halakeeyeen dagaalada aan xadka lahayn.
Mudugnet-News
